සකල ශිල්ප වෙත පා හිත
එතෙර වෙමිය සපථය රැක
සිප් හල එලිපත්තට එති
පුතුන් අහිංසක…
කම්හල් වල ගත වෙහෙසන
ලොවට හොරෙන් කඳුලු සලන
මවු පිය දැකි බොඳවු සිහින
සොයති අහිංසක…..
රන් කහවනු පුදා නිතර
ගුරු පුද කල එවුන් අතර
අන්තිම පෙළ උරුමය වී
තැවෙති අහිංසක….
ඇඳුරු පුතුට නොලැබුනු යම්
ජයක් ලැබුවොතින් කිසිකල
පැසසුම් නොව සිත් රිදවුම්
ලබන අහිංසක….
කලා හතක් පිරෙන්න පෙර
අමාවක ලබන සඳ ලෙස
සිප් හල නම් අඳෝම යැයි
සිතති අහිංසක….
එවැනි පුතුන් බලා සොඳින්
ශිල්ප බෙදන ඇඳුරු ඇවිත්
පෙන්වන සුරලොව විසිතුරු
සිතැ'දි අහිංසක…
එතැන් පටන් ඔවුන් පුදති
ඇඟිලි නොවයි මුදල් සොයති
නසා හෝ කෙලක් පර පණ
අහෝ අහිංසක.....
*****ඉසුරු*****
